А.Амбасэлмаа: 678 хүнд шинжилгээ хийхэд, бүгдэд нь коронавирус илрээгүй

ЭМЯ-наас Ковид-19 цар тахалтай холбоотой цаг үеийн асуудлаар мэдээлэл хийлээ. ХӨСҮТ-ийн Тандалт, Шуурхай удирдлагын хэлтсийн дарга А.Амбасэлмаа:

Өчигдөр ХӨСҮТ-ийн вирус судлалын лаборатори, Дархан-Уул аймгийн вирус судлалын салбар лабораторид нийтдээ 678 хүнд шинжилгээ хийсэн. Бүгдэд нь коронавирус илрээгүй.

Үүнд: 

Наймдугаар сарын 29-нд Сидней-УБ-ын онгоцоор ирсэн 261 хүний шинжилгээ,

Алтанбулгийн боомтоор орж ирсэн ачаа тээврийн 44 жолоочийн шинжилгээ,

Эмч, ажилчид 3 хүний шинжилгээ,

Наймдугаар сарын 11-нд Прага-УБ-ын онгоцоор ирсэн 248 хүний давтан шинжилгээ,

Дорноговь аймгийн Замын-Үүд суманд тусгаарлагдсан 34 хүний давтан шинжилгээ,

Сэлэнгэ аймагт тусгаарлагдсан 1 хүний давтан шинжилгээ,

Тусгаарлан ажиглах байруудад тусгаарлагдсан 87 хүний давтан шинжилгээнд тус тус коронавирус илрээгүй байна.

Өнөөдрийн байдлаар манай улсад зөөвөрлөгдөн орж ирж батлагдсан 301 тохиолдол байна. Үүнээс 295 буюу 98% нь эдгэрсэн. Эдгэрсэн хүмүүсээс 29 хүн сувилалын ажиглалтад, 40 хүн гэрийн ажиглалтад, 226 хүн ажиглалт, тандалтын хугацаа дууссан байна. ХӨСҮТ-д эмчлэгдэж буй 6 хүний биеийн байдал хөнгөн байна.