1072 хувьцааг ebarimt систем ашиглан хүлээж авах талаар түгээмэл асуултанд хариулж байна
1072 хувьцааны ногдол ашгийн талаарх түгээмэл асуултанд хариулж байна.
1.Хэрэв ebarimt системд бүртгэлгүй бол шинээр бүртгэл үүсгэж “Эрдэнэс-Тавантолгой” ХК-ийн ногдол ашгийг авах боломжтой юу?
-Боломжтой. Иргэн та www.ebarimt.mn вэб хуудсаар хандаж эсвэл ebarimt аппликейшн татан авч өөрийн мэдээллийг бүртгүүлээд “Эрдэнэс-Тавантолгой” ХК-ийн хувьцааны ногдол ашгаа авах боломжтой. Хэрэв та www.ebarimt.mn сайт болон ebarimt аппликейшнд нэвтрэх код, нууц үгээ мартсан бол ebarimt-д бүртгэлтэй гар утасны дугаараасаа 131313 дугаарт “?” мессежээр илгээж, шинээр авах боломжтой.
2. Өөрийн ebarimt-аар гэр бүлийн гишүүний “Эрдэнэс-Тавантолгой” ХК-ийн ногдол ашгийг авах боломжтой юу?
-Боломжгүй. Та өөрийн ebarimt-ийн аккаунтаар “Эрдэнэс-Тавантолгой” ХК-ийн өөрт ноогдох хувьцааны ногдол ашгаа авах боломжтой. Иймээс иргэн та www.ebarimt.mn вэб хуудсаар хандаж эсвэл ebarimt аппликейшн татан авч өөрийн мэдээллийг бүртгүүлээд “Эрдэнэс-Тавантолгой” ХК-ийн хувьцааны ногдол ашгаа авах боломжтой.
3. Миний ebarimt-ийн бүртгэлийн мэдээлэл үнэн зөв боловч “Эрдэнэс-Тавантолгой” ХК-ийн ногдол ашиг авах санал асуулга ирэхгүй байгаа нөхцөлд яах вэ?
Нэгт: Үнэт цаасны компанид арилжааны банкны данс бүртгүүлсэн иргэдэд санал асуулга очихгүй бөгөөд та үнэт цаасны компанид бүртгүүлсэн дансаараа ногдол ашгаа авна.
Хоёрт:Үнэт цаасны компанид бүртгэлгүй боловч асуулга ирэхгүй бол Та ebarimt аппликейшнаа шинэчлэх буюу update хийгээрэй.
4. Таны ebarimt-д “Эрдэнэс-Тавантолгой” ХК-ийн ногдол авах санал, асуулга ирэхгүй байгаа нь дараах шалтгаантай. Үүнд:
Үнэт цаасны компанид арилжааны банкны данс бүртгүүлсэн иргэд
Гадаадын иргэн
2 болон түүнээс дээш аккаунттай иргэд
Хэрэглэгчийн хувийн мэдээлэл нь дутуу аккаунттай иргэд
Капитал банк сонгосон иргэд
Регистрийн дугаараа буруу бүртгүүлсэн иргэд
5.Гадаадад суугаа монгол улсын иргэн “Эрдэнэс-Тавантолгой” ХК-ийн ногдол ашгаа ebarimt-аар дамжуулан авч болох уу?
-Иргэн та ebarimt сайтаар хандаж хүсэлт гаргах боломжтой.
6. 18-аас доош насны иргэний “Эрдэнэс-Тавантолгой” ХК-ийн ногдол ашгийг ebarimt-аар дамжуулан авч болох уу?
-Хэрэв та 18-аас доош насны иргэн бол www.ebarimt.mn cайтад хандаж шинээр бүртгэл үүсгэхэд хүүхдийн мөнгө хүлээн авдаг банкны данс автомаар холбогдох бөгөөд “Эрдэнэс-Тавантолгой” ХК-ийн ногдол ашиг авах асуулгыг баталгаажуулсанаар та ногдол ашгаа хүлээн авна.
Эх сурвалж: 1072 хувьцаа мэдээллийн төв
