Бэлчээрийн даац хэтрэлттэй аймгуудад зуд болох эрсдэл өндөр байна гэв

Судлаачдын үзэж байгаагаар манай улсын бэлчээрийн даац, өнөөгийн нөхцөл байдалд 30 орчим сая толгой мал тохирно гэсэн тооцоолол байдаг. Үүнээс гадна сүргийн бүтэц алдагдаж байгаа асуудалд ч анхаарах хэрэгтэйг хэллээ. Тодруулбал 70 гаруй сая толгой малын талаас илүү нь буюу 41 сая нь ямаа гэж тоологджээ. Тиймээс хожмын олон эрсдэлийг бодож малчид төдийгүй төр засаг ч мал сүргийн тоо толгой, бэлчээрийн даацад анхаарах ёстой гэв.

Жил ирэх тусам ган, зуд гэх мэт гамшигт үзэгдлийн давтамж нэмэгдэж байгаа тул иргэд төдийгүй, эрх баригчид ч анхааралтай байж болзошгүй эрсдлээс урьдчилан сэргийлдэг байх хэрэгтэйг хэллээ. Энэ өвлийн ерөнхий төлөв байдал албан ёсоор гараагүй байгаа ч баруун аймгуудаар цас эрт унаж, цаг агаарын гамшигт үзэгдэл их байх төлөвтэй байгааг онцоллоо.