Будапешт-Улаанбаатар чиглэлийн тусгай үүргийн онгоцоор 90 иргэн ирлээ

Улсын Онцгой комиссын шийдвэрийн дагуу Будапешт-Улаанбаатар чиглэлийн ”Хүннү Эйр” ХХК-ийн тусгай үүргийн онгоц “Буянт-Ухаа” олон улсын нисэх буудалд газардлаа. 

Тус онгоцоор 90 иргэн эх орондоо иржээ. Тухайлбал, 

3 нь бага насны хүүхэдтэй гэр бүл,

2 нь жирэмсэн,

8 нь оюутан,

44 нь санхүүгийн гачигдалтай,

33 нь бусад хүндэтгэн үзэх шалтгаантай иргэн байгаа юм.

Иргэдийг ХӨСҮТ, ОБЕГ-ын Давтан сургалт, сургалт сэргээн заслын төв-113 дугаар ангийн “Онцгой Жаргалант” сувилал, “Эрхэс” зочид буудалд тусгаарлана гэж УОК-ын Шуурхай штабаас мэдээллээ.