Жимми Батлер эргэн ирж багаа хожилд хөтөллөө

Миами Хит Сакрамэнто Кингс багуудын тоглолт болж 105:104 харьцаатайгаар Миами хожлоо. Миамигаас багийн ахлагч Жимми Батлер бэртлийн улмаас сүүлийн 10 тоглолтыг өнжөөд байсан бол өнөөдөр эргэн ирж 30 оноо 8 дамжуулалт өгсөн байна. Мөн Бам Адебайо 18 оноо 13 самбар авч түүнд тус хүргэжээ. Ингэснээр Миами Хитийн тав дараалан хожигдоод байсан цуврал зогслоо.

Харин Кингсээс Дэ Аарон Фокс 30 оноо 6 дамжуулалт, Марвин Багли 17 оноо 4 самбар авсан байна. Энэ нь Кингсийн улирлын 11 дэх хожигдол боллоо.