Фото: 10 жилийн өмнө Фукушимад болсон "сүйрэл"
Японы зүүн хойд хэсэгт болсон 15000 гаруй хүн амиа алдаж, газар хөдлөлтийн улмаас үүссэн цунами цөмийн риакторыг усанд автуулж, гамшиг тохиосноос хойш 10 жил өнгөрчээ.
Энэ нь 1986 оны Чернобылийн хямралаас хойшхи дэлхийн хамгийн том цөмийн гамшигт нэрвэгдсэн тохиолдол юм. Иймд "Фукушимагийн гамшиг" буюу цөмийн үйлдвэрт болсон осолтой холбоотой фото мэдээллийг сонирхуулж байна.
“Фукушима Дайчи АЦС” нь Фукушима мужийн Окума хотод байдаг. Энэ нь тус улсын зүүн эрэгт, нийслэл Токио хотоос зүүн хойд зүгт 220 км зайд байрладаг аж.
Фукушимагийн атомын цахилгаан станц аварга том давалгаанд цохигдож, реакторууд үерт автаж томоохон гамшиг тохиожээ. Эрх баригчид цацраг идэвхт бодис тархаж эхлэхэд 150,000 гаруй хүнийг нүүлгэн шилжүүлэхийг шаардаж, аюулгүйн бүс байгуулав.
Цөмийн хаягдал, түлшний саваа, одоо хүртэл хадгалагдаж байгаа нэг сая гаруй тонн цацраг идэвхт усыг аюулгүйгээр зайлуулахын тулд ойрын 30-40 жилийн хугацаанд хэдэн арван мянган ажилчин шаардлагатай.
Японы парламентаас байгуулсан бие даасан мөрдөн байцаалтын явцад Фүкүшима бол “хүний гараар хийсэн гамшиг” гэж дүгнэжээ.
Цөмийн станцын системүүд газар хөдлөлтийг илрүүлж, цөмийн реакторуудыг автоматаар унтраажээ. Яаралтай дизель генераторууд урвал зогссон ч халуун хэвээр байгаа тул хөргөлтийн шингэнийг шахаж байхаар асаалттай ажилласан байна.
Удалгүй цунами хотыг хамж, ус нь далайн хамгаалалтын ханыг нураан, үйлдвэр үерт автаж, онцгой байдлын генераторуудыг цохив. Ажилчид эрчим хүчээ сэргээхээр яарч байсан боловч гурван реактор хэт халж, судсыг хэсэгчлэн хайлуулсан нь “цөмийн хайлалт” гэж нэрлэгддэг зүйлийг эхлүүлсэн байв.
Цацраг идэвхт бодис агаар мандал, Номхон далайд нэвчиж эхэлсэн тул хүмүүсийг нүүлгэн шилжүүлэх, гадуурх бүс барих ажил улам өргөжиж байлаа.
Японы эрдэмтэд станцын ойролцоо байрлах бүс нутгаас гадна цацрагийн эрсдэл харьцангуй бага хэвээр байна гэж үзжээ.
Цөмийн цацраг идэвхт бодисоос үүдэн тухайн бүсэд амьдарч байсан иргэдийн ирээдүйн эрүүл мэндийг хамгаалахыг засгийн газарт сануулан жагсаж байв.
Цөмийн гамшгийн үеэр шууд үхэл болоогүй. Дэлбэрэлтээс дор хаяж 16 ажилчин гэмтэж бэртсэн бол реакторуудыг хөргөх, станцыг тогтворжуулахаар ажиллаж байхдаа олон хүн цацраг идэвхт туяанд хордсон байна.
Энэ оны гуравдугаар сарын 9-нд буюу үйл явдлын 10 жилийн ойн өмнөхөн НҮБ-ын тайланд гамшгийн цацрагтай шууд холбоотой Фукушимагийн оршин суугчдын дунд "эрүүл мэндэд сөрөг нөлөөгүй" гэсэн тэмдэглэгээ хийжээ.
Эх сурвалж: BBC, Kyodo news
