Замын-Үүд дэх хил, гааль, цагдаа, авто тээвэр, мэргэжлийн хяналтын дарга нарыг чөлөөллөө
ХЗДХ-ийн сайд Х.Нямбаатараар ахлуулсан АТГ, ТЕГ, ЦЕГ, МХЕГ-ын бүрэлдэхүүнтэй ажлын хэсэг Дорноговь аймагт ажиллаж байна. Улмаар Замын-Үүд сумын Засаг дарга Б.Анхбаяр, мөн тус суман дах Авто тээврийн үндэсний төвийн дарга А.Хатансайхан тэргүүтэй зургаан хүнийг хойшлуулашгүйгээр баривчилсан байна.
Улмаар Замын-Үүд суманд Засгийн газрын бүрэн эрхт төлөөлөгчөөр ЗХЖШ-ын 1-р орлогч Бригадын генерал Ц.Жавхланбаатар болон ЕС-ийн зөвлөх Л.Алтангэрэл нарыг томилон ажиллуулахаар болсныг мэдэгдлээ. Мөн,
Замын-Үүд дэх Гаалийн газрын дарга Д.Зоригоогийн оронд нь Улаанбаатар хот дахь Гаалийн газрын даргын үүргийг түр орлон гүйцэтгэгч Б.Отгонсүхийг.
Хилийн 0108-р ангийн захирагч, хурандаа Б.Нямбатын оронд нь В.Намхайнямбууг.
АТҮТ-ийн Замын-Үүд дэх салбарын дарга А.Хатансайханы оронд нь Дорноговь аймгийн Авто тээврийн төвийн дарга н.Сүхбаатарыг.
Замын-Үүд боомт дахь Хилийн мэргэжлийн хяналтын албаны даргын үүргийг түр орлон гүйцэтгэгч С.Цогбадрахын оронд нь НМХГ-ын дарга Л.Эрдэнэчулууныг.
Дорноговь аймгийн Цагдаагийн газрын Замын-Үүд дэх сум дундын цагдаагийн хэлтсийн замын цагдаагийн дарга, цагдаагийн хошууч, н.Уранбаярыг чөлөөлсөн бөгөөд түүний оны хүн тодорхойгүй байна.
