Дунд голоос нэр, хаяг нь тодорхойгүй эрэгтэйн цогцос олджээ

Нийслэлийн Хан-Уул дүүргийн гуравдугаар хороо, “Монгол тамхи Со” ХХК-ийн урд талд “Дунд гол”-д цогцос байна гэсэн дуудлага өчигдөр буюу долдугаар сарын 18-нд Онцгой байдлын газарт бүртгэгджээ. Дуудлагын дагуу Нийслэлийн Аврах ангийн алба хаагчид 2.8 км зам туулан очиход “Дунд гол”-д нэр, хаяг, нас тодорхойгүй, нас бараад удсан эрэгтэй хүний цогцос байсныг гаргасан байна. Цогцсыг тус дүүргийн Цагдаагийн нэгдүгээр хэлтсийн мөрдөгчид шилжүүлж өгсөн аж.