Дахин нэг иргэн хиймэл нууранд живжээ

Дорноговь аймгийн Даланжаргалан сумын Элдэв багийн “Зүүндалан” гэдэг газар хиймэл нууранд нэг иргэн живсэн байна.

Тус аймгийн Онцгой байдлын газрын алба хаагчдыг очиход “Говийн шилмэл зам” ХХК-ийн нүүрс угаах үйлдвэрийн хиймэл нууранд тус компанийн ажилтан Сүхбаатар аймгийн Мөнххаан сумын харьяат иргэн Н /22 настай, эрэгтэй/ живсэн байжээ.

Тус иргэнийг олохоор ОБЕГ-ын харьяа Үндэсний аврах бригадын алба хаагчид хүч нэмэгдүүлэн ажиллаж байна.