70 настай эмэгтэй согтуурсан үедээ охиныхоо амийг хөнөөжээ

СХД-т төрсөн ээж нь охиноо хутгалж амь насыг нь хохироосон харамсалтай хэрэг гарчээ. Тодруулбал, цагдаагийн байгууллагад тус дүүргийн ... хорооны ... байранд охиноо хутгалсан байна гэх мэдээлэл ирсэн байна.

Мэдээллийн дагуу шалгахад 70 настай эмэгтэй О нь согтуурсан үедээ 49 настай охин Б-гээ хоёр удаа хутгалж амь насыг нь хохироосон байна.

Хэргийн газраас эд мөрийн баримтыг нь хураан авч, хэргийг үргэлжлүүлэн шалгаж байна.