Гэрийнхээ гадна тоглож байсан гурван настай хүү сураггүй алга болжээ

Өвөрхангай аймагт гурван настай хүүхэд алга болжээ. Тодруулбал, тус аймгийн Уянга сумын Таац багийн “Баруун голын шаахам зураа” гэдэг газар бага насны хүүхэд тавдугаар сарын 15-ны өдрийн 17:30 цагийн орчим гэрийнхээ гадна тоглож байгаад сураггүй болсон тухай дуудлагыг тавдугаар сарын 16-ны өдрийн 05:35 цагт хүлээн авсан байна.

Дуудлагын дагуу тус сумын Таац багийн Засаг даргаар ахлуулсан сумын мэргэжлийн ангийнхан, орон нутгийн иргэд гурван настай эрэгтэй С-г эрэн хайх ажиллагааг зохион байгуулж байгаа аж.

Ингэхдээ тус аймгийн Онцгой байдлын газрын Гал түймэр унтраах, аврах 12 дугаар ангийн алба хаагчид 05.16-ны өдрийн 06:32 цагт хүч нэмэгдүүлэн ажиллахаар хөдөлсөн талаар албаныхан мэдээллээ.