Б.Мөнхжин: Улсынхаа эрх ашгийг гадаадад хамгаалах, олон тулгуурт гадаад бодлогыг хэрэгжүүлийг зорьж ажилласан

Засгийн газрын өнөөдрийн хуралдаанаар ГХЯ-ны дэд сайд Б.Мөнхжинг үүрэгт ажлаас нь чөлөөлж, түүний оронд "Монцамэ" агентлагийн дарга Г.Амартүвшинг томилсон юм. Б.Мөнхжинг ямар шалтгаанаар үүрэгт ажлаас нь чөлөөлсөн нь тодорхойгүй байна.

Үүрэгт ажлаасаа чөлөөлөгдсөн Б.Мөнхжин "2020 оны долдугаар сараас өнөөдрийг хүртэл Гадаад харилцааны дэд сайдаар ажиллах нь нэр төрийн хэрэг байв. Улсынхаа эрх ашгийг гадаадад хамгаалах, Монгол Улсын бие даасан, олон тулгуурт гадаад бодлогын зорилтуудыг хэрэгжүүлэхийг зорьж ажиллав. Дэмжсэн, хамтран ажилласан та бүхэнд баярлалаа" хэмээжээ.

2020. 7 сараас өнөөдрийг хүртэл Гадаад харилцааны дэд сайдаар ажиллах нь нэр төрийн хэрэг байв. Улсынхаа эрх ашгийг гадаадад хамгаалах, Монгол Улсын бие даасан, олон тулгуурт гадаад бодлогын зорилтуудыг хэрэгжүүлэхийг зорьж ажиллав. Дэмжсэн, хамтран ажилласан та бүхэнд баярлалаа.

— Munkhjin Batsumber (@MBatsumber) November 2, 2022