ЭМЯ: БНХАУ-д зорчиж буй иргэд нэг тавагнаас олноор иддэг хоолноос татгалзахыг анхааруулж байна

Энэ сарын 8-наас буюу маргаашаас БНХАУ-д хилээ нээж буй. Коронавирусийн халдвар ихтэй байгаа тул БНХАУ-ыг зорих иргэд халдвар хамгааллын дэглэмээ сайтар баримтлахыг албаны хүмүүс анхааруулж байгаа юм.

Ингээд ЭМЯ-наас гаргасан БНХАУ-д зорчих иргэдэд өгөх зөвлөмжийг хүргэж байна.

Онцын шаардлагагүй бол халдварын тархалт өндөртэй улс оронд зорчихгүй байх;

Дотоод орчин, нийтийн тээврийн хэрэгсэл, олон хүн цугларсан газарт амны хаалт заавал зүүж, 2 цаг тутамд солих;

Гараа бохирдсон тухай бүр савандаж угаах, эсвэл гар халдваргүйжүүлэгч ашиглах;

Хүн хоорондын зай барих;

Коронавируст халдвар (Ковид-19)-аар өвдсөн болон дархлаажуулалтад хамрагдснаас хойш 6 сар өнгөрсөн бол дархлаа сэргээх тунд хамрагдах;

Хуурай ханиалгах, хоолой өвдөх, хоолой сэрвэгнэх зэрэг шинж тэмдэг илэрсэн тохиолдолд бусдаас өөрийгөө тусгаарлан амны хаалт тогтмол зүүх, эрүүл мэндийн байгууллагад хандах;

Ханиах, найтаах зэрэг халдварын шинж тэмдэгтэй хүнээс зай барих;

Нэг тавагнаас олноор иддэг хоолноос татгалзах;

Хил хяналтын байгууллагын тавьсан шаардлага, эрүүл мэндийн байгууллагын зөвлөмжийг дагаж мөрдөх;