ЭМЯ: БНХАУ-д ковид19-ийн тохиолдол өндөр бүртгэгдэж байгаа тул омикроны шинэ хувилбараас сэргийлье

Энэ сарын 8-наас БНХАУ-ын Эрээн хот, Замын-Үүд чиглэлийн зорчих хөдөлгөөнийг нээсэн билээ. Үүнтэй холбоотойгоор урд хөршид зорчиж буй иргэдийн тоо нэмэгдэх хандлагатай байгаа байна. Гэвч тус улсад коронавируст "Ковид-19" халдварын тохиолдол өндөр бүртгэгдэж байгаа энэ цаг үед иргэд халдвар хамгааллын дэглэмээ сайтар баримталж, цар тахлын шинэ хувилбарын эрсдэлээс урьдчилан сэргийлэхийг албаныхан анхаарууллаа.