М.Нандин-Эрдэнэ хүрэл, Ц.Эрдэнэцэцэг мөнгөн медаль хүртлээ

Казахстаны Алматы хотод жүдо бөхийн Залуучуудын Азийн нээлттэй цомын тэмцээн болж буй. Хоёр дахь өдөр дунд болон хүнд жингийн барилдаанууд болсон бөгөөд тэмцээний хоёр дахь өдөр охидын -57кг-ын жинд "Мон-Алтиус Цагаанбаатар” академийн тамирчин Хөвсгөл аймаг Улаан-Уул сумын харьяат Ц.Эрдэнэцэцэг мөнгөн медаль хүртлээ. Тэмцээний эхний өдөр жижиг жингийн барилдаанууд болж, охидын -52кг-ын жинд "Гүрү дожо" клубийн тамирчин М.Нандин-Эрдэнэ хүрэл медаль хүртсэн юм.