ТОДРУУЛГА: Осолтой холбоотойгоор хэн нэгнийг цагдан хориогүй

Баянзүрх дүүргийн 26 дугаар хороо Дүнжингаравын уулзварт 60 тонн газ ачсан автомашин, патрол маркийн машинтай шүргэлцсэний улмаас гал гарч, галыг унтраахаар ажиллаж байсан 3 алба хаагч амиа алдсан. Мөн 60 айлын орон сууц бүхэлдээ шатаж, 11 том хүн, 3 хүүхэд түлэгдэн эмнэлгийн тусламж авч буй.

Тэгвэл осол гаргасан жолооч нарыг цагдан хорьсон гэх мэдээллийг УЕПГ-аас тодруулахад “Одоогоор ямар нэгэн хүнд цагдан хорих таслан сэргийлэх арга хэмжээ аваагүй байна.

Эрүүгийн хуулийн 27.10 дугаар зүйлийн 4.2 дахь хэсэгт зааснаар хэрэг бүртгэлтийн хэрэг нээн мөрдөн шалгах ажиллагаа явуулж байгаа тул өөр дэлгэрэнгүй мэдээлэл өгөх боломжгүй. Хэргийн газрын үзлэгт 25 прокурор оролцож байна” гэлээ.