Энэ мэдээ хуучирсан буюу 2024/02/06-нд нийтлэгдсэн мэдээ болно.
Улсын арслан Б.Орхонбаяр цагаан сарын барилдаанд зодоглохгүй
10
Сар шинийн баярт зориулсан Улс, аймгийн алдар цолтой 256 бөхийн уламжлалт барилдаанд Улсын арслан Б.Орхонбаяр зодоглохгүй гэдгээ мэдэгдлээ. Тодруулбал тэрбээр, "Бэртэлтэй байгаа учраас сар шинийн барилдаанд зодоглохгүй. Бэртлээ бүрэн эдгэртэл ямар ч барилдаанд орохгүй" гэлээ.
Б.Орхонбаяр нь 2022 оны Ардын хувьсгалын 100, 101 жилийн ойгоор Ц.Содномдорж арслангаар 7 давж Улсын заан, Улсын заан Б.Бат-Өлзийгөөр 8 давж Улсын гарьд, Улсын даян аварга Н.Батсууриар 9 давж улсын арслан цол хүртсэн билээ.
