Т.Мөнхсайхан: Намайг сайдаар томилогдоход ахмадууд өдөр, шөнөгүй дугаарлаад, эмээ авч чаддаггүй байсан

Эмийн үнэ, чанарын асуудлаар нотлох баримтыг шинжлэн судлах сонсгол "Хөнгөлөлттэй эмийн зохицуулалт" сэдвээр үргэлжилж байна.

Энэ үеэр гэрчээр оролцож буй ЭМ-ийн сайд асан, Ерөнхийлөгчийн Эрүүл мэнд, спорт, нийгмийн бодлогын зөвлөх Т.Мөнхсайхан тайлбар мэдээлэл өглөө. Тэрбээр,

"Намайг сайдаар томилогдоход эмийн сангууд ямар байдалтай байсныг та бүхэн мэдэж байгаа. Ахмадууд хөнгөлөлттэй эмээ авах гэж хэдэн өдөр, хэдэн шөнө дугаарлаж зогсдог. Сар бүрийн эхний таван өдөр дугаарлаад, эм нь дуусчихдаг байсан. 13-р тогтоолоор дээрх асуудлуудыг цэгцэлсэн. Үр дүнд нь олон жил дугаарласан ахмадууд гуравхан сарын дотор эмээ авдаг болсон" гэв.