Ц.Элбэгдоржийг яллагдагчаар татах санал хүргүүлжээ

Цагдаагийн байгууллагаас “Ачит ихт” ХХК-тай холбоотой хэргийн мөрдөн шалгах ажиллагааны явцын талаар мэдээлэл өглөө. Мөн энэ үеэр Ерөнхийлөгч асан Ц.Элбэгдорж болон "Ачих ихт" компанийн хувьцаа эзэмшигч П.Цагаан нарын viber чатыг олон нийтэд ил болгосон. Түүнээс гадна Ерөнхийлөгч асан Ц.Элбэгдоржийг яллагдагчаар татах санал хүргүүлсэн талаар цагдаагийн байгууллагаас мэдээллээ.

ЭЦА-ны Эдийн засгийн гэмт хэрэгтэй тэмцэх газрын Мөрдөн шалгах гэмт хэрэгтэй тэмцэх хэлтсийн дарга Э.Сэргэлэн "АНУ-аас ялтан солилцох, хэрэгт эрэн сурвалжлагдаж байгаа хүнийг эх орондоо авч ирэх боломж бий. Энэ талаар цаашид мөрдөн шалгах ажиллагааг үргэлжлүүлж байна" гэлээ.