Олон Улсын физикийн 54 дүгээр олимпиадад оролцох Монголын баг Иран Улсын Исфахан хотыг зорилоо

Олон Улсын физикиийн 54 дүгээр олимпиад Иран улсын Исфахан хотод 2024 оны 7 дугаар сарын 21-29-ний өдрүүдэд зохиогдох юм. Энэхүү олимпиадад дэлхийн 50 гаруй орны 200 орчим сурагч, 150 орчим багш, дасгалжуулагч, профессорууд оролцоно.

Монгол Улсыг төлөөлж:

-Мөнхтулгын Мөнх-Оргил /1-р сургууль, 10-р анги/

-Ганболдын Азжаргал /Сант сургууль, 11-р анги/

-Соёлхүүгийн Атархүү /Сант сургууль, 12-р анги/

-Гүрбазарын Батбаяр​ /Шинэ-Үе сургууль, 11-р анги/

-Эрхэмбаярын Ичинбат /Орхон аймаг, ЯШУТ сургууль, 10-р анги/ нар оролцоно.

Монгол Улсын баг бүрэлдэхүүнд:

-Гомбосүрэнгийн Мөнхбаяр /Багийн ахлагч, МУИС, ШУС-ийн багш/

-Мягмарын Отгонбаатар /Дасгалжуулагч багш, МУИС-ийн багш/

-Цэдэнбалжирын Энхбат /Дасгалжуулагч багш, ШУА, ФТХ/

-Начингийн Оюунчимэг /Ажиглагч, УБ хот, 1-р сургуулийн багш/ нар багтаж байна.

Өнгөрсөн 5 дугаар сард Азийн физикийн 24 дүгээр олимпиадаас манай сурагчид хос хүрэл медаль хүртэж, 2 шагналт байрыг эзэлсэн амжилт гаргаад байгаа билээ.