УИХ-ын гишүүдийн ХАНДИВ: “ЖЕНКО“ Х.Баттулгад 34 байгууллагаас 950 саяыг хандивласан бол Б.Батцэцэгт 11 компаниас 275 саяыг ХАНДИВЛАЖЭЭ

УИХ-ын сонгуульд нэр дэвшигчид хуулийн хүрээнд сурталчилгааны хугацаанд хандивын данс нээж, иргэд, ААН-үүдээс хандив цуглуулж, сурталчилгаандаа зарцуулдаг.

Тэгвэл шинээр бүрдсэн парламентын 126 гишүүд хэчнээн иргэн, ААН-ээс хандив цуглуулж, сонгуульд оролцсоныг цувралаар хүргэж эхэлсэн. Энэ удаа дараах 10 гишүүний хандивын мэдээллийг танилцуулж байна.

-Н.Батсүмбэрэлд 4 ААН-ээс 85 сая төгрөг ХАНДИВЛАСАН-

Нэгдүгээрт, 10-р тойрогт МАН-аас нэр дэвшиж УИХ-ын гишүүнээр сонгогдоод буй Н.Батсүмбэрэлд нийт 44 иргэнээс 130 сая, 4 хуулийн этгээдээс 85 сая төгрөг буюу нийт 215 сая төгрөгийн хандив цугларчээ. Мөн тэрбээр өөрөөсөө 6 сая төгрөгийн хөрөнгө нэмж байршуулсан аж. 4 хуулийн этгээдийг нь нэрлэбэл,

-“Зэ Честнат Фанд Монгол” ХХК – 10 сая

-“Бат мөнх констракшн” ХХК- 25 сая

-Мандал оргил транс” ХХК – 25 сая

-“Бат мөнх констракшн” ХХК- 25 сая төгрөг тус тус хандивлажээ.

Хандивын зарцуулалт:

-Тараах материал хэвлүүлж тараах – 165.6 сая

-Гудамж талбайд зурагт самбар, лед дэлгэц байрлуулах – 8.8 сая

-Хурал цуглаан хийх – 11 сая

-Сонгууль эрхэлсэн байгууллагын үйл ажиллагааны зардал – 71.7 сая

-Цахим орчин ашиглах – 27.5 сая төгрөг зарцуулсан байна.

-Х.Баттулгад 34 байгууллагаас 950 сая төгрөг ХАНДИВЛАЖЭЭ-

Хоёрдугаарт, Ерөнхийлөгч асан Х.Баттулгад 1 тэрбум 229 сая 60 мянган төгрөгийн хандив цугларчээ. Нийт 34 хуулийн этгээдээс 950 сая, 72 иргэнээс 279 сая 60 мянган төгрөг орж ирсэн байна. Тухайлбал,

-“ХАН ТЭГРИ МЭД” ХХК – 30 сая

-“МИЛЛ ХАУС” ХХК – 30 сая

- “Баянгол ресорт” XXK – 30 сая

-“Талх чихэр” ХК – 30 сая

-“Арвин үндэс” ХХК – 30 сая

-“Ганга түшээ” ХХК- 30 сая

-“Махимпекс” ХК – 30 сая

-“Мик фүүдс” ХХК – 30 сая

-“ЧМТО” ХХК- 30 сая

-“ХКҮ” ХХК – 30 сая

-“Баянгол зочид буудал” ХК – 30 сая

-“Хан Тэгри Маркет” ХХК – 30 САЯ

-“Тэгри бюүти роа” ХХК – 30 сая

-“Херман эрхэмтэн” ХХК- 30 САЯ

-“Супрема бүтик лоджэс” ХХК – 30 сая

-“Фүүд корп” ХХК – 30 сая

-“Ачит бадар хундага” ХХК – 30 сая

-“Нархан зол хүсэл” ХХК – 30 сая

-“Монус Өрнөх” ХХК – 30 сая

-“Фармакон фамили” ХХК – 30 сая

-“Женко тур бюро” ХХК – 25 сая

-“Ошин фарм” ХХК – 30 сая

-“Шүхэр асар” ХХК – 30 САЯ

-“Монпеллетс” ХХК – 30 сая

-“Энх ялгуун” ХХК – 30 САЯ

-“Браяд энд перфект” ХХК – 30 сая

-“Интеграл дизайн” ХХК – 30 сая

-“Баянматуу” ХХК – 30 сая

-“Смартпланет групп” ХХК – 20 сая

-“Ти Эн Эс Эн Ти” ХХК – 30 сая

-“Баталгаат хүнс” ХХК – 22 сая

-“Баталгаат хүнс” ХХК – 8 сая

-“Хатант сүлдэт хангай” ХХК – 5 сая

-“Хүнс мастер” ХХК – 30 сая төгрөгий тус тус хандивласан байна.

Зарцуулалтын тухайд:

-Тараах материал хэвлүүлэх – 218.3 сая

-Сурталчилгааны самбар, лед дэлгэц байршуулах – 72.7 сая

-Сонин сэтгүүлд материал нийтлүүлэх – 64 сая төгрөг зарцуулжээ.

-Сайд Б.Батцэцэгт 11 компаниас 275 сая төгрөгийн хандив цугларсан-

Гуравдугаарт, 1-р тойрогт МАН-аас нэр дэвшсэн Гадаад харилцааны сайд Б.Батцэцэгт 61 иргэнээс 319.6 сая, 11 ААН-ээс 275 сая төгрөгийн хандив цугларчээ.

11 ААН-ийн тухайд:

-“Төгс-Өнгө” ХХК – 5 сая

-“Энержи Ресурс” ХХК – 30 сая

-“Юнайтед пауэр” ХХК – 30 САЯ

-“Мөнхийн үсэг” ХХК – 30 сая

-“Ухаа худаг усан хангамж” ХХК – 30 САЯ

-“Тавантолгой нисэх буудал” ХХК – 30 сая

-“Тавантолгой цахилгаан станц усан хангамж” ХХК – 30 сая

-“Чингис эко тур” ХХК – 20 сая

-“Ультрафлоу” ХХК – 20 сая

-“Ти Ай ложистик” ХХК – 30 сая

-“Стандарт холдинг” ХХК – 20 сая төгрөг хандивлажээ.

Зарцуулалт:

-Тараах материал – 12 сая

-Сурталчилгааны самбар, лед дэлгэц байрлуулах – 518 мянга 400

-Уулзалт, хурал цуглаан хийх - 65.4 сая

-Сонгууль эрхэлсэн байгууллагын үйл ажиллагааны зардал 42.4 сая

-Цахим орчин ашиглах – 38.1 сая зарцуулсан гэжээ.

-Э.Батшугарт 7 компани хандив ирүүлсэн-

Дөрөвдүгээрт, 11-р тойрогт нэр дэвшсэн УИХ-ын гишүүн Э.Батшугарт 38 иргэнээс 254.5 сая, 7 хуулийн этгээдээс 167 сая төгрөг буюу нийт 421.5 сая төгрөг цугларчээ.

7 хуулийн этгээд нь:

-“И Эл лимитэд ассэт” ХХК - 25 САЯ

-“Медиахолдинг” ХХК – 30 сая

-“Миллениум групп” ХХК – 30 сая

-“М финанс” ХХК – 20 сая

-“Этэрнал стийл транс” ХХК – 30 сая

-“Улаанбаатар телевиз” ХХК – 2 сая

-“УБ хуулийн фирм” ХХК – 30 сая төгрөг тус тус шилжүүлжээ.

-Ж.Бат-Эрдэнэд нэг ч компани хандив өгөөгүй-

Тавдугаарт, УИХ-д 3 дахь удаа сонгогдоод буй Ж.Бат-Эрдэнэд ямар нэгэн хуулийн этгээдээс хандив ирээгүй бөгөөд нийт 61 иргэнээс 512 сая төгрөгийн хандив цугларчээ.

Зардал:

-Тараах материал хэвлүүлэх 140.3 сая

-Сурталчилгааны самбар, лед дэлгэц байрлуулах – 700 мянга

-Уулзалт, хурал цуглаан хийх 3.2 сая

-Сонгууль эрхэлсэн байгууллагын үйл ажиллагааны зардал – 433.2 сая

-Радио телевиз ашиглах – 12 сая төгрөг зарцуулсан байна.

-БОАЖ-ын сайд асан Б.Бат-Эрдэнэд 2 компаниас нийт 60 сая төгрөг хандивласан-

Зургаадугаарт, БОАЖ-ын сайд асан, УИХ-ын гишүүн Б.Бат-Эрдэнэд 44 иргэнээс нийт 254.3 сая, 2 хуулийн этгээдээс 60 сая төгрөгийн хандив цугларчээ. Хуулийн этгээдүүдийн тухайд:

-“Скайлайн дизайн” ХХК- 30 сая

-“ЭБСЗ” ХХК- 30 сая төгрөг байна.

Зарцуулалт:

-Тараах материал – 130.2 сая

-Гудамжинд намын далбаа, таних тэмдэг байршуулах – 401 мянга 500

-Уулзалт, хурал цуглаан хийх – 1.5 сая

-Сонгууль эрхэлсэн байгууллагын үйл ажиллагааны зардал – 155.9 сая

-Радио телевиз ашиглах – 29 сая

-Цахим орчинд – 20 сая төгрөг зарцуулсан байна.

-Б.Бейсен өөрөөсөө 350 саяыг хандивын дансандаа байршуулсан-

Долоодугаарт, Баян-Өлгий аймагт нэр дэвшиж, гишүүнээр улиран сонгогдсон Б.Бейсенд 17 иргэнээс 141 сая, “Бейс-шила” ХХК-аас 30 сая төгрөг орж иржээ. Мөн өөрөөсөө 350 сая төгрөгийн хөрөнгө нэмж байршуулсан аж.

Зарцуулалт:

-Уулзалт, хурал цуглаан хийх – 143.8 сая

-Сонгууль эрхэлсэн байгууллагын үйл ажиллагааны зардал – 326.2 сая төгрөг зарцуулжээ.

-Э.Болормаад “Энержи Ресурс” зэрэг 13 компани 280 сая төгрөг хандивласан-

Наймдугаарт, баруун бүсэд МАН-аас нэр дэвшиж УИХ-ын гишүүнээр сонгогдсон Э.Болормаагийн хандивын дансанд 98 иргэнээс 349.8 сая, 13 хуулийн этгээдээс 280 сая буюу нийт 629.8 сая төгрөг орж ирсэн байна. Хуулийн этгээдүүдийг танилцуулбал:

-“Ханбогд эксплорэйшн” ХХК – 30 сая

-“Энержи Ресурс” ХХК – 30 сая

-“Юнайтед пауэр” ХХК – 10 сая

-“Тавантолгой нисэх буудал” ХХК – 30 сая

-“Тавантолгой цахилгаан станц ус” ХХК- 30 сая

-“Хүй мандал хөгжил констракшн” ХХК – 30 САЯ

-“Есөн-Од” ХХК – 10 сая

-“МФ групп” ХХК – 30 сая

-“Тавантолгой цахилгаан станц ус” ХХК – 30 сая

-“Тавантолгой нисэх буудал” ХХК – 30 сая

-“УБ секьюрити” ХХК – 20 сая

-Ажлын алба – 1.1 сая төгрөг хандивлажээ.

-Х.Болормаад 38 иргэнээс 268 сая төгрөг хандивлажээ-

Есдүгээрт, Сүхбаатар дүүргийн Засаг даргаар ажиллаж байсан Х.Болормаад 38 иргэнээс 268.5 сая төгрөгийн хандив орж иржээ. Харин хуулийн этгээдүүдээс огт хандив орж ирээгүй байна.

Зарцуулалт:

-Тараах материал хэвлүүлэх – 264.5 сая байна.

-Х.Булгантуяа өөрөөсөө 550 саяыг хандивын дансандаа байршуулж, сонгуульдаа зарцуулжээ-

Аравдугаарт, ХНХ-ын сайд асан, УИХ-ын гишүүн Х.Булгантуяад 21 иргэнээс нийт 89.1 сая, “Нано фэйшн” ХХК-аас 30 сая төгрөгийн хандив орж иржээ. Харин өөрийн хөрөнгөөсөө 550 сая төгрөгийг нэмж байршуулсан гэж мэдүүлсэн байна.

Зарцуулалт:

-Тараах материал – 84.9 сая

-Уулзалт, хурал цуглаан хийх – 39 сая

-Сонгууль эрхэлсэн байгууллагын үйл ажиллагааны зардал – 284.5 сая

-Радио телевиз ашиглах – 8.5 сая төгрөг зарцуулсан аж.

Бид дараагийн дугаарт С.Бямбацогт, Ж.Ганбаатар нарын 10 гишүүний мэдээллийг хүргэх болно.