Т.Мөнхсайхан: “Хавдар судлал-2” эмнэлгийг барьж ашиглалтад оруулахад 4-5 жил шаардагдах учраас ХСҮТ-ийн тусламж үйлчилгээг түр хугацаанд өргөтгөж ажиллана

Ирэх оны улсын төсөвт Хавдар судлалын үндэсний төвийн их засварт 2.5 тэрбум төгрөг, эмнэлгийн ачааллыг бууруулах зорилгоор 150 ортой эмнэлгийг зориулалттай барилгыг лизингээр буюу 17 тэрбум төгрөгөөр түрээслэх, шаардлагатай тоног төхөөрөмжийн зардалд 6.9 тэрбум төгрөг тусгаад буй.

Эрүүл мэндийн сайд Т.Мөнхсайхан: Хавдар судлал-2 эмнэлгийг барих зайлшгүй шаардлага бий. Эмнэлгийн барилга баригдаж дуусахад 4-5 жилийн хугацаа шаардана. Энэ хугацаанд бид өнөөдрийн тусламж үйлчилгээ үзүүлж байгаа ХСҮТ-ийн тусламж үйлчилгээг өргөтгөж, үйл ажиллагааг сайжруулах хэрэгтэй гэж үзсэн учраас ирэх оны улсын төсөвт эмнэлгийн өргөтгөл, их засвар, тоног, төхөөрөмжийг зардлыг тусгуулж чадлаа.