Х.Нямбаатар: Надад 1 тэрбум төгрөг байхгүй. Хэн нэгнээс уучлалт гуйх шаардлагагүй
Нийслэлийн Засаг дарга Х.Нямбаатар "Би хэдэн халтар төгрөг цуглуулсан хэдэн ченжүүдээс айхгүй" гэж НИТХ-ын ээлжит бус нэгдүгээр хуралдааны үеэр мэдэгдсэн удаатай. Түүний энэ үгэнд "Авто худалдаа, машины бизнес эрхлэгчдийн холбоо" ТББ-аас гомдол гаргаж уг хэрэг шүүх дээр яваа. Улмаар Х.Нямбаатарын эд хөрөнгө буюу мөнгийг нэхэмжлэлийн үнийн дүн болох 1 тэрбум төгрөгийн хэмжээгээр битүүмжлэх арга хэмжээ авах шүүгчийн захирамж гарсан.
Тэгвэл энэ талаар Нийслэлийн Засаг дарга Х.Нямбаатар дараах мэдээллийг өглөө. Тэрбээр:
-Бидний нэр төрд халдсан гэх үндэслэлээр шүүхэд нэхэмжлэл гаргасан байна лээ. Шүүгч нэхэмжлэлийн дагуу иргэний хэрэг үүсгэсэн захирамж гаргасан. Захирамжтай холбогдуулан миний эд хөрөнгөтэй холбоотой битүүмжлэл гаргах захирамж гаргасан.
Надад 1 тэрбум төгрөг байхгүй. 1 тэрбумын эд хөрөнгө ч байхгүй. Маргааш 14:00 цагаас миний шүүгчийн захирамжид гаргасан гомдлыг хэлэлцэнэ. Хэн нэгнээс уучлалт гуйх шаардлагагүй.
