“Админерал” ХХК-ийн хятад захирал уурхай дээрээ нас барсан хэргийг прокурорт шилжүүлжээ

Тавантолгойн ордод үйл ажиллагаа явуулдаг Бортээгийн уурхайн ашиглах эрхийг эзэмшдэг “Админерал” ХХК-ийн гүйцэтгэх захирал, БНХАУ-ын иргэн Н.Хасбатар уурхайн кемп дээрээ учир битүүлгээр нас барсан гэх хэрэг цагдаагийн байгууллагад 2025.02.12-ны өдөр бүртгэгджээ.

Уг асуудлаар ЦЕГ-ын ХМТ-өөс тодруулахад, Өмнөговь аймгийн цагдаагийн газрын Цогтцэций сумын сум дундын цагдаагийн хэлтсээс шалгаад харьяа прокурорын хяналтад шилжүүлсэн байна.

Н.Хасбатар нь БНХАУ-д төрсөн, герман иргэншилтэй хүн аж. Тэрбээр эхнэр, гурван хүүхдийн хамт Улаанбаатар хотод амьдардаг байжээ.