“Зохиомол хаягаас Кибер гэмт хэрэгтэй тэмцэх газрын чат руу “Ноорогийн хийсэн бичлэгээс болоод хүн амиа хорлох гээд байна” гэж бичсэний төлөө гүйцэтгэх ажиллагаа явуулсан“

Ноорог.мн сайтад өнгөрсөн шөнө хойшлуулшгүй ажиллагаа явуулан ажлын хэрэгсэл, хард, утас гэх мэт зүйлсийг хурааж оройны 10.00 цагаас өглөөний 05.00 хүртэл мэдүүлэг авсан талаар бид өмнө мэдээлсэн.

Болж буй үйл явцтай холбоотойгоор тус медиагийн үүсгэн байгуулагчдын нэг, захирал О.Уламсайхан мэдээлэл өглөө. Тэрбээр "Зохиомол хаягаас Кибер гэмт хэрэгтэй тэмцэх хэлтсийн фэйсбүүк чат руу “Ноорогийн хийсэн бичлэгээс болоод хүн амиа хорлох гээд байна” гэж бичсэний төлөө шөнийн цагаар гүйцэтгэх ажиллагаа явуулсан. Биднийг өмгөөлөгчтэйгөө холбогдох боломжоор хангаагүй" гэсэн юм.