ТОДРУУЛГА: УИХ-ын гишүүн Э.Болормааг цагдаагийн байгууллагаас шалгаж эхэлсэн нь үнэн гэв

Цахим орчинд болон зарим хэвлэл мэдээллийн хэрэгслээр УИХ-ын гишүүн Э.Болормааг цагдаагийн байгууллагаас шалгаж эхэлсэн тухай мэдээлэл цацагдсан. Энэ талаар ЦЕГ-ын Хэвлэл мэдээллийн төвөөс тодруулахад "Шалгаж эхэлсэн нь үнэн. Иргэний гомдлын дагуу шалгаж байна. Дэлгэрэнгүй мэдээлэл өгөх боломжгүй" гэлээ.

Харин УИХ-ын гишүүн Э.Болормаагаас өөрөөс нь тодруулахад "Надад ямар ч мэдээлэл ирээгүй байна. Танаас анх удаа сонслоо" гэх тайлбарыг өгсөн юм.

Сануулахад, УИХ-ын гишүүн Э.Болормаа нь 2024 оны УИХ-ын сонгуулийн үеэр оффшор бүс дэх гадаадын компаниас хандив авсан гэх асуудалд холбогдоод буй билээ.