Олон нийтийн газар автомашин дээрээ зогсож, бие зассан асуудлыг цагдаагийн байгууллага шалгаж байна

Олон нийтийн цахим сүлжээнд энэ сарын 26-ны өдөр нэр бүхий иргэн автозамын зорчих хэсэгт тээврийн хэрэгсэл дээр гарч байгаад бие засаж, олон нийтийг үл хүндэтгэж байгаа бичлэг нийтлэгдсэн. Энэ талаар цагдаагийн байгууллагаас тодруулахад, "Цагдаагийн байгууллагаас уг асуудлыг бүртгэлд авч, шалгалтын ажиллагаа явуулж байна. Шалгалтын явцад тогтоогдсон нөхцөл байдлын талаар эргэн мэдээллэх болно" гэлээ.