Цагдаагийн байгууллагад 12 мянга гаруй алба хаагч ажиллаж байгаагаас 1.8 хувийг удирдах албан тушаалтан эзэлж байна
Цагдаа, дотоодын цэргийн байгууллагад өнөөдрийн байдлаар 12 гаруй мянган алба хаагч үүрэг гүйцэтгэж байна. Тэд гэмт хэрэгтэй тэмцэх, нийтийн хэв журам хамгаалах, олон нийтийн аюулгүй байдлыг хангах, улсын онц чухал обьектын хамгаалах хуулиар хүлээсэн үндсэн чиг үүргээ хэрэгжүүлж ажиллаж байгаа аж.
Үүнээс 5000 орчим алба хаагч нь эрүү, мөрдөн, хэрэг бүртгэх, хэсгийн байцаагч, эргүүлийн офицер, байцаагч, замын цагдаагийн зохицуулагчаар ажиллаж, 4000 гаруй алба хаагч нь нийтийн хэв журам хамгаалах, олон нийтийн аюулгүй байдлыг хангах чиглэлээр /эргүүлийн офицер, эргүүлийн цагдаа, хэсгийн байцаагч, хороо хариуцсан цагдаа, харуул, хамгаалалтын цагдаа гэх мэт албан тушаалд ажиллаж байгаа юм байна.
Мөн 8.8 хувь нь гэмт хэргээс урьдчилан сэргийлэх чиглэлээр, 12 хувь нь Захиргааны чиглэлээр тус тус ажиллаж байгаа бол улсын хэмжээнд нийт алба хаагчдын 1.8 хувийг удирдах албан тушаалтан /газар, хэлтсийн дарга/ эзэлж байна.
