Улаанбурхан өвчний батлагдсан тохиолдлын тоо 12.457-д хүрч, НЭН ХҮНД хоёр хүн эмнэлэгт хэвтэн эмчлүүлж байна

Улаанбурхан өвчний батлагдсан нийт тохиолдлын тоо долдугаар сарын 17-ны байдлаар 12.457-д хүрч, 282 хүн эмнэлэгт хэвтэн эмчлүүлж байна. Нийт тохиолдлоос 11,918 хүн эдгэрсэн бол гэрээр 267 өвчтөн эмчлүүлж байна. Мөн нас баралтын тоо 8 хүрчээ. ХӨСҮТ-өөс хэрхэн урьдчилан сэргийлэх талаар тодруулахад, "Улаанбурхан өвчин нь халдварлалт өндөртэй ч вакцинаар сэргийлэгдэх боломжтой халдварт өвчин юм. Улаанбурхан өвчний батлагдсан тохиолдлын хавьтлаас улаанбурхнаар өвдөөгүй бол 72 цагийн дотор улаанбурханы эсрэг вакцинд хамрагдан өөрийгөө болон бусдыг улаанбурхан өвчнөөс хамгаалаарай." гэлээ.