Х.НЯМБААТАР: Энэ жилийн төлөвлөгөөт зам засварын ажлууд дуусах дөхөж байна. Хичээлийн шинэ жилийн ид ачааллын үеэс урьтаж гол замуудаа дуусгана

Энэ онд нийслэлийн хэмжээнд 36 байршилд 74 км авто замыг засаж, шинэчлэхээр төлөвлөсөн гэдгийг холбогдох албаныхан мэдээлсэн. Тэгвэл хотын дарга Х.Нямбаатар төлөвлөгөөт зам засварын ажлууд дуусах дөхөж байгааг онцоллоо. Тодруулбал тэрбээр, "Бөхийн өргөөний уулзвараас Натур хүртэлх замыг шинэчилж, хөдөлгөөнийг нээлээ. Өнөө жилийн төлөвлөгөөт зам засварын ажлууд дуусах дөхөж байна. Хичээлийн шинэ жилийн ид ачааллын үеэс урьтаж гол замуудаа дуусгана. Өнөөдөр Бөхийн өргөөнөөс Зүүн дөрвөн замын уулзварыг шинэчлэх ажлыг эхлүүлнэ" гэлээ.