Энэ мэдээ хуучирсан буюу 2025/07/19-нд нийтлэгдсэн мэдээ болно.
Хилчид хээрийн түймэр илрүүлж, унтраажээ
00
Баян-Өлгий аймгийн хилийн бүс зурвас Их Түргэний аманд баяр наадмын үеэр буюу 07 дугаар сарын 16-ны өдөр хээрийн түймэр гарсныг Хилийн цэргийн 0165 дугаар ангийн 0216 дугаар салбарын захирагч, ахлах дэслэгч Г.Алтантүлхүүрээр ахлуулсан хилийн манааны бүрэлдэхүүн илрүүлж, аймгийн Онцгой байдлын газарт мэдэгджээ.
Хээрийн түймрийн голомтод Баян-Өлгий аймгийн Цэнгэл сумын Онцгой байдлын газар, тус сумын засаг даргын тамгын газрын алба хаагчид, орон нутгийн иргэд болон хилийн салбарын алба хаагчид ажиллаж түймрийг 07 дугаар сарын 17-нд бүрэн унтраасан байна.
