Ерөнхий сайд Г.Занданшатар “Эрдэнэс Тавантолгой” ХК-д ажиллах үеэрээ нүүрс тээвэрлэлт, “ТНАЛТ”-тэй холбоотой асуудалд шалгалт хийж, хуулийн байгууллагад шилжүүлэхийг үүрэг болголоо

Долоодугаар сарын 9-ний ЗГ-ын ээлжит бус хуралдаанаар “Эрдэнэс Тавантолгой” ХК-д ОНЦГОЙ дэглэм тогтоож, ЗГ-ын бүрэн эрхт төлөөлөгчөөр ЗГХЭГ-ын дэд дарга У.Бямбасүрэнг томилсон. Тэгвэл Ерөнхий сайд Г.Занданшатар холбогдох сайд нарын хамтаар “Эрдэнэс Тавантолгой” ХК-д үүсээд буй нөхцөл байдалтай танилцаж, тодорхой үүрэг чиглэлүүдийг өглөө. Тухайлбал, нүүрс тээвэрлэлт, "ТНАЛТ"-тэй холбоотой асуудалд шалгалт хийж, хуулийн байгууллагад шилжүүлэхийг үүрэг болголоо.