ЦЕГ: 71 настай иргэн барилгын туслах хийж байгаад барилга дээрээс унаж, нас барсан хэрэг Ховд аймагт гарсан

Ховд аймгийн Жаргалант сумын Буянт багийн нутаг дэвсгэрт баригдаж байсан 15 айлын орон сууцны 2 давхараас 71 настай иргэн Ц унаж нас барсан харамсалтай барсан харамсалтай хэрэг өчигдөр гарсан. Энэ талаар цагдаагийн байгууллагаас тодруулахад, "Өчигдөр 13.30 цагийн орчимд Ховд аймгийн цагдаагийн газарт дуудлага мэдээлэл бүртгэгдсэн. Шалгалтын ажиллагаа хуульд заасан үндэслэл журмын дагуу үргэлжилж байна. Тухайн иргэн орон сууцны зориулалтаар баригдаж байсан тус барилгад туслах ажилтнаар ажиллаж байсан" гэлээ.