С.Мөнхчулуун: Бай шагналд Ланд-300, Лексус-570 өгч валют гадагшлуулж байхаар мөнгийг нь өгчихвөл яадаг юм. “Их хурд“ уралдаанд л гэхэд 9 ширхэг Ланд-300 худалдагдлаа

Дундговь аймгийн засаг дарга С.Мөнхчулуун ойн баяр наадмуудаар олгодог бай шагналыг шүүмжилж, өөрийн цахим хуудастаа байр сууриа илэрхийлжээ.

Тэрбээр "Бай шагналд Ланд-300, Лексус-570 өгч валют гадагшлуулж байхаар зүгээр л 200 сая, 300 сая, 500 сая гээд мөнгийг нь өгчихөөр яадаг юм! Өөрөө тэгээд тэр мөнгөөр нь Ланд-аа авна уу, лаагаа авна уу өөрийн дур. Их Хурд уралдаанд л гэхэд 9 ширхэг Ланд-300 худалдагдлаа. Мөн улсын аварга малчны шагналд гэр өгдөг, түүнийг нь малчин өөрөө очиж авдаг нь бараг дарамт шахуу санагдсан. Улсын аварга болтлоо хөдөлмөрлөчхөөд гэргүй малчин ч гэж юу байх вэ дээ. Тэгээд аваргын гэр гээд бэлгэдлээ бодоод зарж ч болохгүй, зүгээр сувинер болоод л байж байдаг байх. Тиймээс илүү хэрэгцээтэй юмаар шагнах эсхүл мөнгийг нь өгчихвөл дэмтэй гэж санах юм" гэв.