Ардчилсан хүчний холбооны Ерөнхийлөгчөөр УИХ-ын гишүүн Д.Энхтуяа сонгогдлоо

Ардчилсан хүчний холбооны Ерөнхийлөгчөөр УИХ-ын гишүүн Д.Энхтуяа сонгогдлоо. Тодруулбал, Ардчилсан хүчний холбоо 15 жилийн ойгоо тэмдэглэж, Төрийн ордонд онол, практикийн бага хурлаа зохион байгуулсан. Энэ үеэр УИХ-ын гишүүн Д.Энхтуяа "Ардчиллын үнэт зүйл, шударга ёсны төлөөх тэмцэлд шинэ эрч хүч нэмж, холбооны гишүүдийн итгэл, дэмжлэгээр намайг Ардчилсан хүчний холбооны Ерөнхийлөгчөөр сонгосныг хүндэтгэлтэйгээр хүлээн авч байна.

Цаашид бид:

Эрх чөлөөгөө хамгаалж,

Ардчиллын үнэт зүйлийг түгээн дэлгэрүүлж,

Авлигагүй, дарангуйлалгүй, шударга нийгмийн төлөө тууштай ажиллах болно.

Бидний зорилго бол зөвхөн өөрсдийнхөө төлөө бус, ирээдүй хойч үеийнхээ төлөө эрх чөлөө, шударга ёсны үнэ цэнийг хамгаалан үлдээх явдал юм.

Итгэл үнэмшил, үзэл санаандаа бат зогсож, хамтдаа тэмцье" гэжээ.