С.Ганбаатарт холбогдох хэргийг АТГ-аас зургаан сар шалгаж, яллагдагчаар татжээ

УИХ-ын гишүүн С.Ганбаатар хуулийн байгууллагаар шалгагдаж, яллагдагчаар татагджээ. Түүний Төрийн ордон дахь ажлын өрөөнд АТГ-аас гүйцэтгэх ажиллагаа явуулсан гэх мэдэгдлийг УИХ дахь АН-ын бүлэг мэдээлсэн. Тэгвэл эл асуудлаар өчигдөр АТГ-аа мэдээлэл өгөхдөө төрийн ордонд гүйцэтгэх ажиллагаа явуулаагүй гэдгийг мэдэгдсэн юм. Тодруулбал, хэргийн яллагдагч статустай байгаа С.Ганбаатарт прокуророос гурван удаа дуудан ирүүлэхээр хандсан боловч ирээгүй учраас прокурорын мэдэгдэх хуудсыг гардуулахаар очсон гэлээ. Тодруулбал, С.Ганбаатарт холбогдох хэргийг АТГ-аас зургаан сарын турш шалгаж дуусаад, өнгөрөгч наймдугаар сард шүүхэд шилжүүлэх саналтайгаар прокурорт шилжүүлсэн аж.