АМГТГ: Өнөөдрийн байдлаар импортоор 53 вагон буюу 3180 тонн АИ-92 автобензинийг өртөөд дээр буулгаж байна
Монгол Улсын хэмжээнд өнөөдрийн байдлаар нийт 53 вагон буюу 3180 тонн АИ-92 автобензин импортлон орж ирж, холбогдох өртөөд дээр буулгалт хийгдэж байгаа талаар АМГТГ-аас мэдээллээ. Тодруулбал,
1. Импортын хуваарилалт:
Толгойт өртөө – 26 вагон
Рашаант өртөө – 4 вагон
Замд яваа (Сүхбаатар өртөөнөөс хөдөлсөн) – 23 вагон
2. Замд явж буй 23 вагоны чиглэл:
Сүхбаатар өртөөнөөс хөдөлсөн 23 вагон дараах өртөөд рүү тээвэрлэгдэж байна.
Рашаант өртөө – 4 вагон
Улаанбаатар өртөө – 5 вагон
Толгойт өртөө – 4 вагон
Дархан өртөө – 5 вагон
Сайншанд өртөө – 5 вагон
3. Импортын нийлүүлэлтийн нөхцөл байдал:
ОХУ-аас нийлүүлэгдэх АИ-92 автобензиний хэмжээ эрс нэмэгдэж, ирэх өдрүүдэд ердийнхөөс хоёр дахин их хэмжээний импорт хийгдэхээр төлөвлөгдөж байна. Мөн БНХАУ-аас худалдан авч буй АИ-92 автобензиний эхний ачилт өнөөдөр (10 дугаар сарын 27-нд) хийгдэж, Монгол Улсын нутаг дэвсгэрт ирэх Лхагва гаригт (10 дугаар сарын 29-нд) орж ирэхээр төлөвлөгдөж байна.
