ЗГ-ынхаа эсрэг гарын үсэг зурж ХАРИУЦЛАГЫН ГЭРЭЭ зөрчсөн тул С.Амарсайханыг Шадар сайдын албан тушаалаас чөлөөлжээ

Шадар сайд С.Амарсайхан өнөөдрийн Засгийн газрын хуралдааны үеэр үүрэгт ажлаасаа чөлөөлөгдөж буйгаа мэдэгдсэн билээ. Тэрбээр өмнө нь УИХ-ын гишүүн П.Сайнзоригийн санаачилсан "Ерөнхий сайдыг огцруулах" бичигт гарын үсэг зурж, мөн чуулганы хуралдаанаар Засгийн газрынхаа эсрэг санал өгөөд байсан юм.

Тэгвэл Ерөнхий сайд Г.Занданшатар Засгийн газрын хуралдааны үеэр "Төрийн эрхийг хууль бусаар авах гэсэн арга даамжирсан. Харамсалтай нь энэ үйл ажиллагаанд манай Засгийн газрын зарим сайд оролцож гарын үсэг зурсан байна. Иймд Шадар сайд С.Амарсайханыг үүрэгт ажлаас нь чөлөөлж байна" гэж мэдэгдлээ.