С.Баярцогт, Ч.Хүрэлбаатар зэрэг Сангийн сайдаар ажиллаж байсан 5 улстөрч Оюутолгойн бүлэг ордын ашиглалтын сонсголд гэрчээр ДУУДАГДЖЭЭ

Оюутолгой бүлэг ордын ашиглалтад Монгол Улсын эрх ашгийг хангуулах, хүртэх өгөөжийг нэмэгдүүлэхтэй холбоотой баримт бичиг, үйл ажиллагаанд хяналт шалгалт хийх үүрэг бүхий Хянан шалгах түр хорооны нотлох баримтыг шинжлэх судлах сонсголыг 2025 оны 12 дугаар сарын 8-12-ны хооронд зохион байгуулахаар товлосон.

Тухайлбал, 2025 оны 12 дугаар сарын 8-ны өдөр Жавхлант, Шивээ толгойн ашиглалтын тусгай зөвшөөрлийн талбайн нөөцийг тогтоож, үнэлгээг тодорхойлсон болон холбогдох бусад баримтад үндэслэн төрийн эзэмшлийн хувь хэмжээг тогтоохтой холбоотой асуудлаар, 2025 оны 12 дугаар сарын 10, 12-ны өдрүүдэд Оюутолгой компанийн хувь нийлүүлэгчдийн гэрээнд нэмэлт өөрчлөлт оруулж, дахин тодотгосон санхүүжилтийн хувь, түүнийг олон улсын зах зээлийн жишигт нийцүүлэн бууруулах талаар авч хэрэгжүүлсэн арга хэмжээ, холбогдох үр дагаврын асуудлаар сонсгол хийнэ.

Энэ сонсголд гэрчээр дуудагдах 301 албан тушаалтны нэрстэй энд дарж танилцана уу.

Мөн уг сонсголд Сангийн сайдаар ажиллаж байсан 5 улстөрч дуудагдсан байна. Тодруулбал, С.Баярцогт, Б.Жавхлан, Н.Баяртсайхан, Ч.Улаан, Ч.Хүрэлбаатар нар дуудагджээ.