Автобусны буудлын дулаан бүхээгийн хаалгыг эвдэн орж, матрас тавьж хонодог иргэдийн үйлдлийг таслан зогсоожээ

Нийтийн тээврийн бодлогын газрын мэргэжилтнүүд автобусны дулаан зогсоолын ашиглалт, цагийн хуваарийн дагуу ажиллаж байгаа эсэхийг шалгаж, дүүргүүдэд албан бичиг илгээж байна.

Шалгалтын явцад Сонгинохайрхан дүүргийн 36-р хороо, Улаанчулуутын автобусны буудлын дулаан зогсоолын хаалгыг эвдэн орж, матрас тавьж хонодог иргэд цөөнгүй байгааг таслан зогсоожээ. Дүүргүүд дулаан зогсоолын ашиглалт, цэвэрлэгээг хариуцдаг бөгөөд иргэдийг ая тухтай үйлчлүүлэх боломжийг нэмэгдүүлэхийн тулд хяналт шалгалт хийж байгаа аж.