“Мэргэлнэ, засал хийнэ“ хэмээн иргэдэд 2.5 тэрбум төгрөгийн хохирол учруулсан эмэгтэйг БАРИВЧИЛЛАА

Цахим орчинд нэр бүхий фэйсбүүк хаягаар дамжуулан “Мэргэлнэ, засал хийнэ” гэх үйлдлийн аргаар иргэдийн сүсэг бишрэлийг далимдуулан бусдад 2.5 тэрбум төгрөгийн хохирол учруулж, залилсан хэрэг гарчээ. Уг залилах гэмт хэрэг үйлдсэн этгээдийг Хан-уул дүүргийн нутаг дэвсгэрээс энэ оны 04 дүгээр сарын 07-ны өдөр олж тогтоон баривчилж, цагдан хорих, таслан сэргийлэх арга хэмжээг авсан байна.

Уг хэргийг Цагдаагийн байгууллагаас мөрдөн шалгах ажиллагааг үргэлжлүүлж байна.