СЭРЭМЖЛҮҮЛЭГ: Увс аймгийн Улаангом суманд цаг агаарын аюулт үзэгдэл болж байна

Увс аймгийн Улаангом суманд хүчтэй салхитай, шороогоор шуурч үзэгдэх орчин хязгаарлагдсан, хүчтэй салхилсны улмаас зарим байшингийн дээвэр хийсжээ. Иймд иргэдэд дараах сэрэмжлүүлгийг хүргэж байна.

Онцын шаардлагагүй тохиолдолд холын замд гарахгүй байх

Малчид цаг агаарын мэдээг тогтмол хүлээн авч, малаа ойр бэлчээх

Бага насны хүүхдийг хараа хяналтгүй орхихгүй байх

Гэр, хашаа, дээвэр, хөнгөн хийцийн эд зүйлсээ салхинд хийсэхээс хамгаалах

Жолооч нар тээврийн хэрэгслийн техникийн бүрэн бүтэн байдлыг шалгаж, хурд хэтрүүлэхгүй байх

Үзэгдэх орчин хязгаарлагдсан үед гэрлээ асааж, анхаарал болгоомжтой хөдөлгөөнд оролцох

Гал түймрийн аюулаас сэргийлж ил задгай гал гаргахгүй байх

Онцгой нөхцөл үүссэн тохиолдолд мэргэжлийн байгууллагын заавар зөвлөмжийг дагах

Иргэн бүр хариуцлагатай байж, өөрийн болон бусдын аюулгүй байдлыг хангана уу.