61 мянган хүн ажиллаж буй 91 төрийн өмчит ААН 60 их наядын хөрөнгө, 24.5 их наядын ӨР ТӨЛБӨРТЭЙ
Олон нийтийн дунд төдийгүй улс төрийн хүрээнд "хэрүүлийн алим" дэгдээсээр ирсэн сэдвийн дээгүүрт ТӨК-иуд болон тэдний ашигт ажиллагаатай холбоотой асуудал бичигддэг. Иймдээ ч үе үеийн ЗГ-ууд ТӨК-иуд дээрх бодлогод
Төрийн өмчийн бодлого, зохицуулалтын газрын 2025 оны статистикийн тоон мэдээлэлд дурдсанаар, Монгол Улсад 12 салбарт үйл ажиллагаа явуулж буй нийт 91 ТӨААН бүртгэлтэй байна. Эдгээр ТӨААН-ийн нийт хөрөнгийн хэмжээ ДНБ-ий 67 хувьтай тэнцэж, нийт ажиллах хүчний 4.5 хувь буюу 60.7 мянган ажлын байрыг бүрдүүлж байна. Үүнд “Эрдэнэс Монгол Нэгдэл” буюу одоогийн “Чингис Хаан баялгийн сан нэгдэл”-ийн дор үйл ажиллагаа эрхэлж буй 25 охин компани мөн багтсан болно.
91 төрийн өмчит ААН - 60,723 хүн ажиллаж байна
91 төрийн өмчит ААН - 24.5 их наядын өр төлбөртэй байна
91 төрийн өмчит ААН - 60 их наядын хөрөнгөтэй
Улсын төсөвт 2025 онд ТӨААН-үүд 5.5 их наяд төгрөгийн татварын орлого төвлөрүүлсэн нь өмнөх оноос 10 хувиар буурчээ. Үүнд ААНОАТ-ын орлого 31 хувь, АМНАТ-ийн орлого 9 хувиар тус тус буурсан нь голлон нөлөөлсөн бөгөөд нүүрсний үнийн бууралтаас үүдэн уул уурхайн салбарын орлого буурсан байна. Мөн ТӨААН-үүд 1.1 их наяд төгрөгийн ногдол ашиг хуваарилсан нь өмнөх оноос 69 хувиар буурсан үзүүлэлт боллоо
Эрчим хүч - 3
Уул уурхай, олборлолт - 6
Тээвэр, агуулах - 3
Барилга - 2
Боловсруулах - 3
Эрсдэлийн зэргийн өөрчлөлт
SOE-HCT загварын хүрээнд 2025 онд эрчим хүч, уул уурхай, тээвэр, барилга, боловсруулах үйлдвэрлэлийн салбарын 17 ТӨААН-ийн санхүүгийн эрсдэлийг үнэлсэн. Үнэлгээний үр дүнд 1 ТӨААН эрсдэлгүй, 2 ТӨААН бага эрсдэлтэй, 4 ТӨААН дунд эрсдэлтэй, 9 ТӨААН дундаас дээгүүр эрсдэлтэй, 1 ТӨААН өндөр эрсдэлтэй ангилалд багтаж үнэлгээнд хамрагдсан ТӨААН-үүдийн 60 орчим хувь нь дундаас дээгүүр болон өндөр эрсдэлтэй түвшинд байна.
