Шатахуун өгч байгаа ШТС, оочир дарааллыг харах боломжтой Benzin.mn сайтын эхний хувилбар App store-д оржээ

Өнгөрөгч долоодугаар сарын төгсгөлөөс эхлэн бий болсон шатахууны хомсдолтой холбоотойгоор шатахууны мэдээллийг хуваалцах Benzin.mn сайтыг нээсэн байдаг. Тус сайтыг хөгжүүлсэн иргэнтэй хамтарч ажиллана гэдгээ салбарын сайд Г.Дамдинням мэдээлж байсан. Тэгвэл АМГТГ болон "Пайд пайпер" ХХК хамтран хэрэгжүүлж байгаа Benzin.mn сайтын эхний хувилбар App store-д оржээ. Тус сайт нь шатахуун хаана өгч байгаа ШТС-дын мэдээллийг харах, Live камераар дугаарлалтын ачааллыг харах, орлого ирж байгаа эсэх зэрэг болон шаардлагатай үед зохицуулалт хийх боломжтой АПП болж хөгжих аж.