Голомт банк агаарын бохирдлыг бууруулах чиглэлээр Чингэлтэй дүүргийн ЗДТГ болон Эко Сквер Энержи Дистрибюшнс ХХК-тай хамтын ажиллагааг үргэлжлүүлэн харилцан ойлголцлын санамж бичиг байгууллаа

Голомт банк агаарын бохирдлыг бууруулах, эрчим хүчний хэмнэлттэй, байгаль орчинд ээлтэй шийдлүүдийг нэвтрүүлэх чиглэлээр Чингэлтэй дүүргийн Засаг даргын Тамгын газар болон “Эко Сквер Энержи Дистрибюшнс” ХХК-тай хамтын ажиллагаагаа үргэлжлүүлж, харилцан ойлголцлын санамж бичиг байгууллаа.

Нийгмийн хариуцлагын хүрээнд Голомт банк 2025 онд Чингэлтэй дүүргийн Засаг даргын Тамгын газар болон “Эко Сквер Энержи Дистрибюшнс” ХХК-тай хамтран агаарын бохирдлыг бууруулах зорилгоор гэр хорооллын 300 өрхөд агаар-агаарын дулааны насос суурилуулах төслийг амжилттай хэрэгжүүлсэн юм. Энэхүү төр, хувийн хэвшлийн үр дүнтэй хамтын ажиллагааг үргэлжлүүлэн төслийн дараагийн үе шатыг эхлүүлэх зорилгоор НҮБ-ын Цөлжилттэй тэмцэх тухай конвенцын Талуудын 17 дугаар бага хурлын үеэр талууд санамж бичигт үзэглэлээ.