ТОДРУУЛГА: ОХУ-аас нийлүүлэх АИ-92 шатахууны үнэ нэмэгдсэн тул литр тутамд 200 төгрөгөөр нэмэгджээ

ШТС-ууд АИ-92 шатахууны үнийг литр тутамд 200 төгрөг нэмэгдүүлсэн тухай иргэд олон нийтийн сүлжээнд бичиж эхэлсэн. Энэ талаар АҮЭБЯ-наас тодруулахад "ОХУ-аас нийлүүлэх АИ-92 шатахууны үнэ өнгөрсөн долоодугаар сарын 1-нээс тонн тутамд 800 ам.доллар болж нэмэгдсэн бол энэ сарын 1-нээс 851 ам.доллар болж нэмэгдсэн. Гэхдээ Үнийн зөвлөл хуралдаж эцсийн шийдвэрийг хараахан гаргаагүй байна" гэлээ.

Өөрөөр хэлбэл, өнгөрсөн 10 гаруй хоногийн хугацаанд ААН-үүд нэмэгдсэн үнээр авсан шатахуунаа өртгөөс нь бага үнээр борлуулж байжээ.