Дундговь аймаг 21-27-ны өдрүүдэд иргэд, автомашины хөдөлгөөнийг хязгаарлана

Өчигдөр (2020.02.18) Дундговь аймгийн Онцгой комиссын тавдугаар хурал хуралдаж, иргэд, автомашины хөдөлгөөнийг хязгаарлахаар шийдвэрлэв. 

Хурлын шийдвэрээр гамшгаас хамгаалах өндөржүүлсэн бэлэн байдалд шилжсэнтэй холбогдуулан аймгийн Засаг даргын А/51 дугаар захирамжийн дагуу энэ оны хоёрдугаар сарын 21-ний өдрөөс 27-ныг 08:00 цаг хүртэл аймаг, сумдын төвөөс гарах, орох иргэд, автомашины хөдөлгөөнийг хязгаарлажээ.

Мөн аймгийн Засаг даргын А/50 дугаар захирамжийн дагуу хот хоорондын хатуу хучилттай авто зам дагуу зорчигч тээврийн хяналт тавих, тандалт судалгаа явуулах зорилгоор Хулд, Сайнцагаан сумдад хяналтын пост ажиллуулахаар шийдвэрлэсэн байна