ХӨСҮТ-д эсрэг биетийг илрүүлэх оношлуур бүхий шинэ лаборатори ашиглалтад орлоо
ЭМЯ-ны ээлжит мэдээллийн үеэр ХӨСҮТ-ийн Тандалт, судалгааны албаны дарга А.Амбасэлмаа ХӨСҮТ-д шинэ лаборатори ашиглалтад орж, оношлогоо хийхэд бэлэн болсон талаар мэдээлсэн юм. Тэрээр:
"Германы Росфирм иммуналогийн бүрэн автомат анализатораар хүний ийлдэс ба сийвэн дэх САРС, Коронавирус-2 вирусийн эсрэг биетийг илрүүлэх 99.8 хувийн өвөрмөц, 100 хувийн мэдрэг чанар бүхий оношлуурыг гаргасан. Үүнийг ХӨСҮТ-д ашиглан шинжилгээ хийх бэлтгэл ажил дууслаа.
Уг оношлуураар хүн амын дундах коронавирусийн тархалт, дархлал тогтоц, дархлааны хариу урвал, дархлал тогтцыг шинжлэх боломж нээгдэж байна. Ингэснээр ХӨСҮТ-д коронавирусийг оношлох гурав дахь лаборатори өнөөдрөөс эхлэн шинжилгээ хийх боломжтой боллоо" гэв.
Манай улсад бүртгэгдсэн нийт 185 батлагдсан тохиолдлоос 44 хүн эдгэрч ХӨСҮТ-ээс гаран, дараагийн шатны тусгаарлалтад шилжээд байна.
