Дорноговь аймгаас гарах, орох хөдөлгөөнийг хязгаарлалаа

Дорноговь аймагт коронавируст /Covid-19/ халдварын сэжигтэй тохиолдол бүртгэгдсэнтэй холбогдуулан аймгийн Засаг дарга захирамж гаргаж 2021 оны нэгдүгээр сарын 30-ны өдрийн 20 цагаас аймаг, сумдаас гарах, орох хөдөлгөөнийг тодорхойгүй хугацаагаар хязгаарлахаар болжээ.

Иргэд зайлшгүй шаардлагаар орон нутагт зорчих тохиолдолд сум, аймгийн Шуурхай штабаас зөвшөөрөл авч нэвтрэх болсныг анхааруулаад байна. 

Жич: Хөдөлгөөн хязгаарлахтай холбогдуулаад аймаг, сумын доторх хөдөлгөөн, худалдаа, үйлчилгээний байгууллагуудын үйл ажиллагаа хэвийн горимоор явагдана.