Хариуцлага алдсан гурван албан тушаалтныг ажлаас нь чөлөөлжээ

Эмнэлгийн гадна иргэн нас барсан асуудалд хариуцлага алдсан гурван албан тушаалтанд хариуцлага тооцож, ажлаас нь чөлөөлжээ. Тодруулбал, яаралтай тусламж үзүүлэх арга хэмжээг шуурхай удирдлагаар хангаж ажиллаагүй НЭМГ-ийн эмнэгийн тусламжийн хэлтсийн дарга М.Мөнхдэлгэр, “Энэрэл” эмнэлгийн дарга А.Амартүвшин, яаралтай тусламжийн 103 төвийн дарга Ц.Пүрэвдаш нарыг ажлаас нь чөлөөлөх арга хэмжээ авахаар болсон байна. Мөн яаралтай тусламж үзүүлээгүй Баянзүрх дүүргийн нэгдсэн эмнэлгийн удирдлагад арга хэмжээ авах, гэрээг цуцлах хүртэл хариуцлага тооцохоор зохих газруудад үүрэг болгосон талаар албаныхан мэдээллээ.